இலக்கியா தன் தாயின் பணப்பையை (wallet) நோண்டிக் கொண்டிருந்தார் நேற்று.
அதற்குள் இலக்கியாவின் அம்மாவும், நானும் கல்யாணத்துக்கு முந்திய காலத்தில் சேர்ந்து எடுத்த படம் இருந்தது. அதைக் கண்டு புளுகத்தில் “என் அப்பா” “என் அம்மா” என்று எங்களைத் தொட்டுத் தொட்டுக் காட்டிச் செல்லம் கொண்டாடியவர் ஒரு கட்டத்தில் திடீரென்று பொறி தட்டி “இதில் என்னைக் காணவில்லையே” என்று தன்னைத் தேடி அழத் தொடங்கி விட்டார். 🙄
“புதுப் படத்தில் இருக்கு அதை இங்கே வைப்போம்” என்று இலக்கியாவை ஒருவாறு சமாதானப்படுத்தி விட்டேன்.
இலக்கியா கொஞ்சம் வளர்ந்த பிறகு அவர் இப்படிச் சொல்ல வேண்டும் என்று ஆசை ;
ஆதார ஸ்ருதி அந்த அன்னை என்பேன்
அதற்கேற்ப லயம் எந்தன் தந்தை என்பேன்
ஸ்ருதி லயங்கள் தன்னைச் சுற்றும் ஸ்வரங்கள் எல்லாம்
உறவாக அமைந்த நல்ல இசைக் குடும்பம்
இலக்கியாவின் வீட்டுப் பெயர் “லயா” 😀😍
#மூன்றுவயது_இலக்கியா_அட்டகாசங்கள்
0 comments:
Post a Comment